سيد مرسي

سيد مرسي
سيد مرسي
وُلِدَ	سيد محمود مرسى; 1 يناير 1897; بولاق
توفي	22 يوليو 1995; القاهرة
الجنسية	مصر
المهنة	كاتب أغاني

سيد مرسي (و. 1 يناير 1897 - ت. 22 يوليو 1995) كاتب أغاني مصري ولد سيد محمود مرسى بحى بولاق بالقاهره وقد التحق بالإذاعة المصرية وشجعه على الكتابة المؤلف مأمون الشناوي، وقد كتب العشرات من الاغنيات الشهيرة والتى تغنى بها اشهر مطربى زمن الفن الاصيل.^[1]

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

نشأته الفنية

مأمون الشناوي صاحي في يوم ودخل خد دش وفطر وطلع بدله لسه جاية من المكوجي وبيلبسها، بيدب إيده في جيب البدله لقى ورقه مكتوب فيها اغنية لا عليها اسم ولا رقم تليفون ومش بتاعته ومتأكد انه ما سمعش الكلام ده قبل كدة، ثم ايه اللى جابها اصلا في جيب الجاكتة، كان عنده بنت شغالة، قالها ايه الورقة دي وجت جيبي إزاي، البنت اترجفت كدة وراحت اعترفت بكل حاجة، اعترفت ان في مكوجي بيحبها وكان بيبعتلها جوابات في هدوم مأمون الشناوي، وهما اتخانقوا فغالباً بعتلها الجواب ده علشان يصالحها.

عمنا مامون طلب منها تنزل تجيب المكوجي وتيجي فورا، نزلت البنت قام اتصل بمحمود الشريف صاحبه والملحن العبقري، وقاله اسمع، وسمعه كلمات الغنوة، عجبت محمود جدا وقاله سكة جديدة عليك يا مأمون قاله مامون مش انا اللى كاتبها وحكاله الحكاية.

جه محمود وجه الواد المكوجي، سألوه أنت اللي كاتب الكلام ده، ومش ناقلة من حد، قاله لا يا بيه انا عندي من ده كتير، قاله طيب إحنا هناخد الكلام ونعمله غنوة تنزل باسمك في الاذاعة اتفقنا، ربنا يكرمك يا بيه، وقف مأمون والشريف بيسألوا بعض مين بقى ها يغني حدوتة غرام المكوجي والشغالة دي، قالك مفيش غيره عبد الغني السيد، اصلا في الوقت ده كان التلاتة ثلاثي فني عظيم.

راحوا اتصلوا بعبد الغني السيد اللي كان في غزة وقتها بيسجل أغاني لإذاعة غزة، وقالوله ارجع فوراً عندنا غنوة ما حصلتش، رجع عبدالغني السيد على ملى وشه واتهبل بالكلمات اللي كتبها المكوجي ده، واللحن المجنون اللي عمله الشريف ووقف عبدالغني السيد بيسجل الغنوة في الاذاعة، وتتذاع الغنوة وهوب تكسر الدنيا وتفضل عايشة للنهاردة وتبقى واحدة من أشهر أغاني عبد الغني السيد في تاريخه وهي أغنية "ع الحلوة والمرة مش كنا متعاهدين" لكن المهم في الحدوتة مش عبد الغني ولا مأمون ولا الشريف، المهم المكوجي اللي في لحظة اتحول لواحد من عتاولة الشعر الغنائي في مصر. المكوجي ده اسمه "سيد مرسي" اللي أصبح شاعر مهم وكتب درر في تاريخ الاغاني المصرية.^[2]

من أعماله

كتب عشرات من الأغاني الشهيرة والتي تغنى بها عدد من المطربين:^{[بحاجة لمصدر]}

عبد الغني السيد «عالحلوة والمرّة» لحنها محمود الشريف، و«سألوني كتير ع اللي جرى لي» من ألحان عبد المنعم الحريري.
محرم فؤاد «كله ماشي وأدي حالك ياهوى» من ألحان بليغ حمدي و «آه من الحب» ألحان فاروق الشرنوبي.
هدى سلطان «مافيناش من قولة آه – محسوده في حبك وبعد الام» لمحمد فوزي.
«سلم علي - اسأل فيَّ» و «وحياة ابنك» و «مايصعبش عليك غالي» لنجاة الصغيرة لحنها بليغ حمدي.
نادية فهمي «ماتكلمنيش» من ألحان سليمان فتح الله.
وخلال احداث فيلم إسماعيل يس في السجن غنت مها صبري «يا حنيّن يا أبو قلب حنيّن» من ألحان محمد فوزي.
ماهر العطار «على فين» لبليغ حمدي.
فاطمة علي «يا قاصدين النبي» من ألحان عبد العزيز محمود.
عفاف راضي «ردوا السلام» و «أغنية آه يا ليالي» من ألحان بليغ حمدي.
عصمت عبد العليم «حبل الوداد» من موسيقى عبد الرؤوف عيسى.
شادية «لا ياسي أحمد» لمحمد فوزي و «والنبي وحشتنا» لبليغ حمدي.
سعد عبد الوهاب «وشك ولا القمر» من ألحانه.
سعاد مكاوي «نويت على إيه» من موسيقى فؤاد حلمي، و «غني ياقلبي» من ألحان سليمان فتح الله، و «عشاق الجمال» لحسين جنيد.
فايزة أحمد؛ خليكوا شاهدين" و "صعبان علينا" من ألحان محمد سلطان.
ليلى مراد «مستنية» من ألحان محمد فوزي و «مسا الجمال» لحنها بليغ حمدي.
هاني شاكر «اتحرك ياحبيبي» من ألحان حلمي بكر.
«سلّم عليّ» لفهد بلان لحنها بليغ حمدي.
«قاسي وناسي» لمحمد قنديل لحنها سليمان فتح الله.
«أنا أعمل إيه» و «فاتت سنة» و «أول وآخر حبيب» لميادة الحناوي لحنها بليغ حمدي.
وقدم اغنيات لوردة الجزائرية «مادريتوش» ألحان حلمي بكر «اشتروني، ليالينا، يا أولاد الحلال، وحشتوني، خليك هنا خليك، على قد مايومها، اسمعوني، احضنوا الأيام» من ألحان بليغ حمدي.