نقاش:خالد العيسى
شاعر من الامارات التقيته شخصيا وكانت لنا عدة نقاشات حول الشعر والادب ويعجبني في نظرته واطروحاته ونقاشاته وشعره واكثر ما يميزه شاعريته الصادقه دون تزييف هذا ما يمكنني ان اقوله باختصار عن هذا الشاعر
لا اعتقد ان اغنية ( يا كيف نامت عيونك ) هي من تقف وراء شهرة شاعرنا انما العكس وكلام الاخ الصديق مردود عليه لان الشاعر اشتهر قبل الاغنيه بسنوات واوافقه في قوله ان الاغنيه تلعب دور كبير في الشهرة كما اوافقه في قوله ان شاعرنا في غنى عن الف اغنيه لان له مجموعة قصائد رائعة
خالد العيسى
القصيدة تمتمة حرف وبلاغه واستعاره اما عندي جاوزت فن التحذلق والتشطر
ما يحد قلبي طريق ولا توقفني اشاره دايمن اكسر بشعري لافتات الضوء لاحمر
الهوى عندك طريق واخره عسجد ومرمر ما يتوهك المكان ولا يتعبك الطريق
والهوى عندي حريق واوله جند ومعسكر ! ابتدي كل المعارك جندي في رتبة فريق !
قالوا القدس ترجع باتفاق السلام قلنا والله .. شبعنا من خريط الجرايد
الارض كيف ترجع يا غبي بالكلام ؟ لو بترجع انا حررتها بالقصايد !
المسأله يا امتي .. ما ندري اش هي المسأله تاهت خطاوينا غرابه ! في وضع ما هو طبيعي
الى متى وكل القضايا ما تعدّى المهزله الى متى واكبر قضايا عصرنا سني وشيعي !!
الشعر محتاج الـ جديد افكار تتمثل قصيد
والمشكله افكارنا امكرره واحنا نعيد
حقيقه : والحياه ابسط من التعقيد والتلوين هناك ابعيد اتأمل وطن حارق لي اعصابي
وانا انظر الى الامه .. الاقي كلنا شخصين مزاجي بايعنها بالشرف والثاني : ارهابي !
تن تلل ني تن تلل لني نرجسيه برجوازيه
شوف حبك وين وصلني صرت اعاني حاله نفسيه
تمسي حروف الشعر من دون حريه مثل الامير االلي غدى بالقصر مسجون
ارفض امارس بالشعر : عاده سريه وارفض قصيدي بالعقل دون اي جنون
في الحب واحد زايد اثنيه طبيعي يساوي عشره في الحب تصبح نظرة اعيونك محطة احتجاج
في الحب تغدو الشمس كورة طائره والقدس حره وتصبح اعيونك يـ حبي نجمه واصبوعك سراج
ما تدركي اني طفل يزعل ويرضى الف مره وش يعني لا صرخّت في ويهك وكسّرت الزجاج ؟!
تدري : احبك قبل خلق العالم الاول بفتره وتدري احبك بعد هالعالم الى مليون عام
وبعد هذا بعد احبك لين يقضي الرب امره إلين ما نصبح بعين الكون تذكار الغرام !
انا احبك فوق تصنيف البشر بيضا وسمرا ولولا هواج اصبحت تايه في صقيع الأمكنه
تايه ولكن ما قتلت الكبت انا في ليله حمرا اصلا انا في هالوضع خارج حدود الأزمنه !
انفجار وانفجار وانفجار وانفجار صارت الدنيا حرايق والدقايق انتحار
صارت الدعوه لرب الكون ارهاب وقتل صرنا كلنا اشيوخ فتوى والنهايه هالدمار !
انت تشجع بوش او صدام ؟ والا مع إياد علاوي ؟
بكل صراحه اكره الافلام ولاني زملكوي ولا اهلاوي
البعض عنده الدين واحد من اثنين يا قاتل او مقتول لجل الشهاده !!
يقتل بريئ .. يقول : ما هم مسلمين يتقرب الــ الله بمقتل عباده !!
الله اكبر .. كيف ينظر الى الدين شوه مفاهيمه ودمر بلاده
والبعض يوعظ لا وعظ بس بالموت ما عنده الا باكر تموت يا فلان !!
كن الله لازم نعبده خوف م الموت !! كن الله خلقنا جنازات واحزان !!
هذيل ياللي فكرهم صار تابوت منظورهم للدين جثه واكفان !!
مدري اذا تصحى بعد لطمة الكف تقتل طفل: وتقول هذي بطوله ؟!
عمر البطل ما كان يطعن من الخلف عمر البطل ما كان قاتل طفوله
خلاص يعني .. التعن واقفل الباب ما صرت انا هاليوم اشرف مقامك
حاضر لعينك تخضع قلوب وارقاب امشي لحتفي دام هذا مرامك
كل شي تقدر تملكه الا هالقلب الحب نظره والمحبه من الله
ادري بان الحب ما كان بالغصب لكن حبك تل قلبي وشله !
سويحان يا دار ٍ بها العز رفاف شامخ وتتفدى عيوني سواريه
فيها الوفا والعز والطيب يشتاف فيها الكرم للناس قد شاع طاريه
يا شيب عيني من العين عذب قلــوب الملالالايين
يفرض على الكل فــنه وترجـــح لفنه مـــوازين
يا شيب عيني من العين
مسير لايام تكشف لك عن الخافي ويبان صدق الهوى والحب من زيفه
لحظتها .. تدرك خطاك وحبي الصافي تبكي ولا ينفعك .. حزنك وتحسيفه
جرحتني .. قلت: اجرح ما من اخلافي عذبتني .. قلت: خله يعذب بكيفه
حدٍ يدور بعين الناس حاجاته نقصه ويملي فراغه من غثى غيره
وحدٍ يسابق على الافلاك نظراته يحث ركب الزمان ان جد فـ مسيره
والرجل دايم شموخ العز وقفاته يعجبك في موقفه وسلوكه وسيره
والنذل بن ثعلبه والهيز قدواته يهبى الملغ قدوته مريومه وميره
مهزوز يلعن ابو من حب عثراته مثله من الدار بلا تاخير تسفيره
والرجل يا مبتلي يعرف بشيماته واضح كلامي عسى يجتلك تفسيره
الشعر ياخذ من حروفي اهتمامه والا انا هالشعر آخر همومي
ادرك اصول القاف واملك زمامه وعن غلطة الهافين دايم اشومي
الشعر عندي .. حس .. ذوق .. ودرايه ارفض اجامل به وارفض اراوي
والشعر عندي يختصر حب غايه ولعينونها اصبحت للشعر هاوي
اليه الشرف انتمي لابداعج الساحر ويكون اسمي تمثل في بطل قصه
واليه الشرف لجل غايه كنت انا شاعر حبٍ عفيفٍ تحسده ميثه وحصه
تستاهلين الشعر ( ريم القوافي ) تستاهلينه نبض واحساس وحقوق
كل النوايا بيض والقلب صافي يا غير شعري بغير هالغايه مرفوق !
حزني مــديــنـه ليلها بـــردٍ وخــوف ... اسير احزاني وفرحي اسيري !
صدمه وهم وضيق واوهام وحسوف ....صدمه بمثابة اغتيال الحريري !
ما عدت اميز شي ما عدت انا شوف .... اعرف بديــــاتــي واجهل مصيري
انا اناني.. كيف يعني ؟ او متى يا مجنناني
انا اناني .. كلمتج زلزال .. وتزلزل كياني
لاني اغار وغيرتي من زود ما اموووت فيج
خلاص يعني صرت انا الحين يا قلبي اناني !!
ذنبي بهالدنيا : وفا .. طيب .. اخلاص
ذبني باني صادق الحب وياك
نغصتي ايامي من الصد انغاص
زرعتي فيني شك .. والشك اشواك
افهمي .. لي من تركتج باختياري وان بغيتج ما بتغلبني الوسايل
انتي اصلا كوكب يلف بمداري تخضعيلي غصب لو فيها قبايل !
من جرحني .. لازم ارد اعتباري واخضعه خضع المعانيس الذلايل
عشتي جناتي وذوقي اليوم ناري طيبتي يا ذا الغشيمه م المرايل
هوب منج يوم انويتي دماري مشكله في اللي يحب له بنت ياهل !
جرحي بدايه موت ما له نهايه احس اني في عذاباتي مسجون
كنتي خلاصي وانعتاقي يا غايه واليوم اصبحتي سكاكين وطعون !
صدقتي والله الحب يا انه اعمى لكن انا احب مفتوح لعيون
الحب عندي من فكر غايه اسمى عشره بالميه (عقل) وتسعينه جنون !
اشهد على قول الشعر لي وثيقه وان كان نصه واقع.. وخيال نصه
القصه اللي تنقرا هي : حقيقه ! حقيقه لكن بس باسلوب قصه !
تحسبين الجرح لي بقصى شمالي والجنوبي ...... بين عيدان الظلوع المستميته من جداك
تحسبين الجرح يبرى دون ما يترك ندوبي تحسبين اللي خلق حسنك عجز يخلق سواك
تحسبين الشمس نفسك والكواكب في غروبي وآنا ما اسوى اثر ذاك المراوي في هواك ؟!!
تحسبينن اقدر اسامح وانتي تتهجي ذنوبي كيف اقدر يا حبيبة امس انا انسى خطاك ؟!!
شكلي يا بنت البدو لي صار هو اكبر عيوبي يا خساره ما درينا ما نناسب مستواك !!
وقلبي المجروح ما اظني عن ذنوبك يتوبي بس انا عندي الكرامه فوق مليونٍ شراك
اعذريني جرحي اكبر من فضا الكون الرحوبي والكلام اللي اقوله والله انه من غلاك
بس ليتك بس عرفتي الرجل جرحه عطوبي وانتي في ليلة عمرنا كم جرحتيني بغباك
لو احاول اتناسى وتغدي لجروحي طبوبي خايفن من دون مدري اجرحك وابكي معاك !!!
والمشكله ان رحت عنك قلبي يتركني .. ويجيك ....... واقول انا اكرهك واتفاجئ بزود محبتك !!!
كم رسمتك في خيالي مستحيله بلون مائي فان جوخ ولو تخيلها عجز يرسم مداها
بنت فوق الغيم تلهو رقصة النجم السمائي ما كأن الله خلقني الا اشقى في هواها
شعرها المبلول صورة ليل تمطر في مسائي يا صباح النور يا وجهٍ تحفف به مساها
همت فيها وصرت اهرب .. صرت انسان انطوائي ما أبا انسان يشغلني ثواني عن لقاها
كل يوم الحب يكبر صار يصعب احتوائي صار همي كيف في الدنيا انا اكسب رضاها
صارت العجبان تحمل شارع الحب الفضائي صارت سويحان جنه والقمر يسكن سماها
صارت العشقه بعيني غايه والعالم ورائي ما افكر غير فيها والعمر كله فداها
لين ربي قد كتبها وانتهى ذاك التنائي قلت يا دنيا اضحكي لي ابتدى عمري معاها
جاتني تبكي بليلة شوقنا طفل ابتدائي قلت تتغلى وانا مصدوم في ليلة لقاها
قالت بصرخه احبه ... آآآآه يا مكبر غبائي نفسي تبكي ليلة الفرحه وتتلقى عزاها
وبعد فترة جاتني ندمانه ادور رضائي تحلف ان الحب لاول وهم وآنا مبتداها
بعد ما عشتي بدفوة شمسي عيشي في شتائي بعدها بقول ردي يمكن اعفو عن خطاها !!!