ذكر ابن عنبه الهاشمي في كتاب الفصول الفخرية ان نسبهم ينتهي الى ( بنو خالد بن الأصمع بن عبيد بن ربيعة بن نصر بن سعد بن نبهان بن عمرو بن الغوث بن طيء )
معارك بني خالد
عام 900هـ أجود بن زامل الجبري الخالدي يغزو بعض القبائل.
عام 929هـ غزا أجود بن زامل من الاحساء بجنود كثيرة من الحاضرة والباديه وصبح الفضول على حفر الباطن وغنم غنايم كثيرة ثم رجع إلى وطنه.
عام 989هـ الشريف ومعركة مع بني خالد
عام 1081هـ استولي علي الاحساء براك بن غرير بن عثمان ال حميد من بني خالد ولما استقر الملك له جعل محل اقامتة بلد المبرز وبني قصرا فخما يعرف موضعدة الآن بالقلعة إلا أن العامة يبدلون القاف جيم ويقولون الجلعة وهو السوق الذي يباع فية التمر والقت الحاضر وبني بجانب القصر مسجدا يعرف بمسجد براك الي حين التاريخ.
عام 1081هـ وقائع على الظفير وآل كثير
عام 1090هـ مهاجمة براك بن غرير لبعض القبائل في نجد
عام 1096هـ اخذوا الظفير جرده اي سرية تابعه لثتيات بن براك بن عرير ال حميد الخالدي رئيس الأحساء وبني خالد ودخل سلامه بن مرشد بنسويط شيخ الظفير مكه طالبا الفوا من أشراف مكه لأمور أخذوها عليه وأقام فيها نحو شهرين
عام 1098هـ ولما توفي براك ولي بعدة ابنة الملك محمد وغزا ال مغيرة وعايد واوقع بهم في الموضع المعروف بالحاير موطن سبيع جنوب الرياض وقتل منهم خلقا كثير ثم كر عليهم صيف هذا العام وهم بحاير المجمعة ونكل بهم.
عام 1103هـ وقعت على بوادي زعب
عام 1105 وقعة بين ال كثير وبني خالد
عام 1110هـ غزو الظفير والفضول
عام 1118هـ اخذة شمر على ركاك
عام 1121هـ غزا الظفير بالموقع المسي الحجرة
عام 1122هـ مناخ بين بني خالد والظفير
عام 1127هـ وقعة بين بني خالد والظفير
عام 1132هـ وقعة بين مطير وبني خالد
عام 1139 هـ الظفير ينهبون الأحساء
عام 1140هـ وقعة بين الشريف والظفير على ساقي الخرج
عام 1142هـ مطير تاخذ الحجاج
عام 1146هـ عتيبة في نجد
عام 1166هـ سليمان بن محمد بن براك ومحمد بن عبد الوهاب
عام 1166هـ وقعت السبله بين بني خالد والظفير
عام 1170 هـ وقعة من بني خالد على بني حسين
عام 1172هـ مسير بني خالد وغيرهم لقتال أهل الدرعية
عام 1183 هـ سار عسكر من بغداد سيره وزيره عمر باشا مع بكر بيك إلى المنتفق فوقع بينهم قتال قتل عبد الله بيك وجلى عبد الله بن محمد آلا مانع رئيس المنتفق إلى بني خالد وتولى فيهم فضل وفيها وقع خلاف وحرب بين مساعد الشريف وبين بركات في مكة ولم يدركوا آل بركات أمراْ وصارت الغلبه لمساعد المذكور
عام 1188هـ حصار بريدة ووفاة عريعر بن دجين
عام 1188هـ بنو خالد وغزو أهل الوشم
عام 1193هـ حصار بني خالد للمجمعه
عام 1194هـ بنو خالد و بني رشيد يأخذون غزواْ لأهل الوشم وسدير
عام 1195هـ صال سعدون بن عريعر وبنو خالد مع جديع بن هذال ريئس آل حبلان من عنزة على إعراب الدهامشه
عام 1245هـ مناخ السبيه بين بني خالد وغيرها بقيادة ماجد بن عريعر ضد قبيلة سبيع بقيادة عساف ابوثنين وانتهت المعركه بطرد بني خالد من نجد والصمان وقتل ماجد بن عريعر وسقوط حكمه.
قيل في بني خالد
الشاعر فراج بن دلهام العجمي:
بكيت رجــال واجــواد شيوخ
مع اسلاف يقدون الجهــــام
مناعيــر واعيــان عـــدام
بروس رماحهم ريش النعــام
يغـــزون الضــد بكــل دار
ويسقونه امرار الشري حامي
وراية ما حضرها كل واشـــى
ولايدخل بها ولد الحـــرام
عزيزين النفوس بكل شيمـــة
إلى قالوا وفيين الذمــام
ذرا الجيران عوق للحريـــب
هل العليا رفيعين المقـام
وسيعين الهوايا بالمعــادي
كبيرين الصحون اهل المقام
وراحوا واقفت الدنيا عليهم
ورسم اذكارهم مثل الحــلام
ووين اللي بهم صـــدر وورد
هل العليا رفيعين المقـام
خلوهم باللحود المظلمـــات
ولا عنهـم يــردون العــلام
ما غير الطيب والفعل منهـم
وممشى الـجود مايمحا دوام
شيخ عنزه بن هذال وقصيده يرثي فيها حكم بني خالد:
اهل المواقف والفعول الكليفــه
خوالد(ن) للمرجلة ستر وحجاب
اهل الكرم واهل الفعول الطريفة
ترفع لهم بيضا على راس مرقـاب
الشاعر حمد بن قريان العجمي:
يامـوده(ن) بالليـل تـراك غلطـان
ذولا بنـي خالـد ذرى كـل جــــلاي
تلقـى منازلهـم ورى حـزم ببـــان
وديارهـم ماياهلـه كـل غــــزاي
ماقبل به الصمان والهيـت والعـان
وماقفى به العارض على رجوم بداي
وماقبل به الخفجي على حدود ظهران
حامينها بالسيف مـن كـل عـــداي
الشاعر عبد الكريم بن حنيف الحربي:
نبغي نقارب من هل الـــجوف خـــلاد
ونطلب عسى الوابل يسقي مفاليـــه
لذنا بهم هل الكرامــه والامجـــاد
قالوا هلا من خاف وجانا بنحمــيـه
خوالـد(ن) لاثـور الطـــوب سـنـدوا
لا لـوحـن منقـضـات الـجـدايــــل
يردون حوض الموت من دون دارهــــم
حريبهـم تكسيـه ثــوب المـلايـــل
سلامي على اهل الطيب والمجد والصخا
نشهـد وتشهـد بـه جميـع القبايـل
مايحتمـل للشيـل ياكـود عيـد هــي
ولاينطـح القـالات كـود الصمـايــل
ومايبري المعلول شربـه مـن الـدوى
ياكود قرطوع (ن) من الريـق سايـل
وصف الشاعر محمد سعد البوعينين شجاعة بني خالد في هذه الابيات
من قمة(ن) عليا لها الطيب محفل
طيب(ن) توارث جيل يارث لجيله
ذولا بني خالد أسـاسـه مــأصّــل
معروفة(ن) بين القبايل أصيله
يوم الرجل لاحده الغبــن يفعــل
مايدمحون لــضدهـم كــل عيله
الشاعر عبد الهادي مريزيق النصيري
صار الشديد وشدوا البـدوا عجلين
والكل قـرب ناقتـه وارتحلهـــا
قالوا خوالــد قلـت والله ونعميــن
حي الرجال اللي جميل (ن) فعلها
خيالة (ن) يوم اللقا تروي العين
عدوانهم ذيب الصحـاري أكلهـــا
اهل البيوت المشرعة والــدواوين
ومجالس (ن) من زارها مايملهــا
ونجرن يدن ما بين لدلال كـل حيــن
والدله الصفـرا تزيـد شعلهــا
والدله اللي شوفها يروي العيــن
صبابها عـن هيلهـا ماعزلهــــا
للضيف ماتذبح شيـاة هزيــــليـن
دايم تعشي ضيوفها من جزلهــــا
ومرباعهم لاربعوا والحيـــا زيـن
في وسط سوده والمقيــض بنخلهـا
الشاعر خليفة الخميس
سجلي ياصفحة التاريـخ وحـروف الكتـــابـه
عن بني خالدهل المعروف وأهـل المقدريـــه
هم وسيعين الصدور اللي لهم عـز ومهــابـه
وهم هل العليا وفعل الطيب ورجـال الحميـه
لازبنـت الخالـدي تلقـى تراحيـب ولبابـــه
وان ندبته تبشـر بفزعـات ورجــــالٍ وفيـه
وفي الكرم والجود ماصك دون الضيف بــابـه
مجدهم مبني على ساسـات وعــــزوم قويـــه
وفي القسا وأيامه السود جاء فيهـم صلابــه
مايهابـون المخاطـر ولا خـوف المنـيـــــه
وفي الشهامه جاء لهم فعل مثل غيث السحابه
يسعدون اللـي شكـا ذل وبهاذيـل وخطيــــه
والشجاعه نابته في الخالدي بـأول شبابــه
(ماكسبها).. فطرةٍ لـه حطهـا رب البريـــه
يشهد التاريخ مع (هباس) في ايـام الحرابه
و(هبس) يشهد بالمكارم والفعـول الخالديـه
الشاعر عبد الله بن سعد الحضبي الشلوي
والله ماهقيت ارجــع اللابتــــي
اهل الديار اللي تدارج نهورهـا
خوالد(ن) يفرح بهم هاشل الخلا
وقبل العشا لزم(ن) يقلط هجورها
الشاعر المرحوم سعد بن فهد الكحيلي المليحي
تاريخها بكــل الجزيرة نعرفه
ولو نكتبه ناخذ عليه اوسام
خوالد يانعــم ذيك العـــزوه
حريبهـــم يسهــر ولاينــلام
حريبهم تــعاف عينه الكـــرى
يرجع ولو خشمه يفوح اعـرام
أولاد خــالد وخالـــد مجــرب
سيف الله المسلول في الاســـلام
ابن الوليد اللي تجينا علومه
حطم بسيفه زمــرة الاصنــام
لكنهم النور فــي ليلة الدجى
النور نور والظــلام ظـــلام
الشاعر فهد بن بخيت الحربي
لاضاق بالي واختفــــى كل هابــي
شرقت يم بيوت ربع على السيــــف
لاني بحاتي مصرفــي والزهــابــي
عند الخوالد طاب كيفي وانا مريف
يشهد لهم جوباح(1) بعصر الركابي
وعلى الطوى ناموا وخلوه للضيــف
لـو انـت مر علقــم مــايذابــي
تلقى بهم عز مع النــاس ماشيــف
وان صكتك بقعــا على كــل بابـي
تلقى بيوت مشرعات على الكيــــف
فيها الصخا والجـــود شيب وشابي
ومفطحات فــوق كبــر المناسيــف
وعند اللقا رجالهـــم مايغابــي
كل يقول اليــوم يـومي عن الحيف
وصغيرهم بالــمعركــه مايهابــي
الين خيل القوم تصبــح منـاكـيف
لاثار عج الخيــل كنـــه سحـابـي
خوالد فوق المهـــار المشاحيــف
كم شيخ قوم طاح حدر الركــابــي
تقاطعنه صاطيـــات الــخواطيــف
الشاعر الحميدي الدويش المطيري
كل الخوالد ساس طيب على طيب
قبيلتن فـي نجـد واكبـر قبيلـه
وشيوخهم تعرف بوقت المواجيب
لا جاء نهار فيـه شـب الفتيلـه
هم العريعر دون شـك ولاريـب
شيوخٍ لها التاريخ سجل حصيلـه
تركي على كبد المعادي لواهيـب
محمـةٍ للبيـض محـدن يشيلـه
هذا صحيح القول مافيه تكذيب
والكذب عيب ومرجعه للفشيله
وقال الشاعر عبد الله بن عبد الرحمن العصيمي العتيبي
Anscombe, Frederick F., The Ottoman Gulf: the creation of Kuwait, Saudi Arabia, and Qater, 1870-1914, Columbia University Press, New York 1997
Fattah, Hala Mundhir, The Politics of Regional Trade in Iraq, Arabia, and the Gulf, 1745-1900, SUNY Press, 1997 [1]
Ibn Agil al-Zahiri, Ansab al-Usar al-Hakima fi al-Ahsa ("The Genealogies of the Ruling Families of al-Ahsa, Part II: Banu Humayd (Al 'Uray'ir)"), Dar al-Yamama, Riyadh, Saudi Arabia (Arabic)
أبو عبدالرحمن بن عقيل الظاهري، "أنساب الأسر الحاكمة في الأحساء، القسم الثاني: بنو حميد (آل عريعر)"، من منشورات دار اليمامة، الرياض، المملكة العربية السعودية
Ingham, B. "Muṭayr." Encyclopaedia of Islam. Edited by: P. Bearman , Th. Bianquis , C.E. Bosworth , E. van Donzel and W.P. Heinrichs. Brill, 2007. Brill Online. 1 December 2007 [2]
Al-Jassir, Hamad, Jamharat Ansab al-Usar al-Mutahaddirah fi Nejd ("Compendium of the Geanologies of the Settled Families of Nejd"), entry on "Banu Khalid" (Arabic)
al-Juhany, Uwaidah, Najd Before the Salafi Reform Movement, Ithaca Press, 2002
Lorimer, John Gordon, Gazetteer of the Persian Gulf, Oman and Central Arabia, repubished by Gregg International Publishers Limited Westemead. Farnborough, Hants., England and Irish University Press, Shannon, Irelend. Printed in Holland, 1970
Mandaville, Jon E., "The Ottoman Province of al-Hasā in the Sixteenth and Seventeenth Centuries", Journal of the American Oriental Society, Vol. 90, No. 3. (Jul. - Sep., 1970), pp. 486–513 (through JSTOR [3])
Meglio, R. Di. "banū Ḵh̲ālid ." Encyclopaedia of Islam. Edited by: P. Bearman , Th. Bianquis , C.E. Bosworth , E. van Donzel and W.P. Heinrichs. Brill, 2007. Brill Online. 1 December 2007 [4]
Nakash, Yitzhak, Reaching for Power: The Shi'a in the Modern Arab World, Princeton University Press, 2006, online excerpt at [5], retrieved Dec 5, 2007
Oppenheim, Max Freiherr von, with Braunlich, Erich and Caskill, Werner, Die Beduinen, 4 volumes, Otto Harrassowitz Wiesbaden 1952 (German)
Szombathy, Zoltan, Genealogy in Medieval Muslim Societies, Studia Islamica, No. 95. (2002), pp. 5–35 (retrieved from JSTOR [6])
Al-Rasheed, Madawi, A History of Saudi Arabia, Cambridge University Press, 2002 (through GoogleBooks [7])
Rentz, George, "Notes on Oppenheim's 'Die Beduinen'", Oriens, Vol. 10, No. 1. (Jul. 31, 1957), pp. 77–89 (retrieved from JSTOR [8])
Al-Wuhaby, Abd al-Karim al-Munif, Banu Khalid wa 'Alaqatuhum bi Najd ("Banu Khalid and their Relations with Nejd"), Dar Thaqif lil-Nashr wa-al-Ta'lif, 1989 (Arabic)
عبدالكريم الوهيبي، "بنو خالد وعلاقتهم بنجد"، دار ثقيف للنشر والتأليف، 1989
العراق 
السعودية 
الكويت .svg){kind=small}
البحرين 
سوريا 
الأردن 
فلسطين
