جلوريا ليونارد

جلوريا ليونارد

جلوريا ليونارد (28 اغسطس 1940 - 3 فبراير 2014) ممثلة ومخرجة ومنتجة أمريكية ، اسمها الحقيقى جيل ساندرا كلاينتسكى (Gale Sandra Klinetsky) .

اتولدت جلوريا ليونارد يوم 28 اغسطس 1940 فى مدينة نيويورك بولاية نيويورك الامريكية ، وفى اوائل الستينات اشتغلت فى مجال العلاقات العامة لحساب شركة Schweickert لتداول السندات .

فى اوائل سنة 1963 جلوريا ليونارد اتجوزت راجل الاعمال الأمريكى الراحل تشارلز ليوناردى (Charles Leonardi) ، وفى يوم 13 اكتوبر 1963 خلفت منه بنتها الوحيدة روبين ليوناردى (Robin Leonardi) . وفى سنة 1972 اتطلقت جلوريا ليونارد من تشارلز ليوناردى .

فى سنة 1974 دخلت جلوريا ليونارد فى مجال البورنوجرافى ، ومثلت أكتر من 80 فيلم بورنوجرافى اشهرهم فيلم Taboo,American Style 1 اللى خدت عنه جايزة 1985 AFAA كأحسن ممثلة ، ده غير أنها أخرجت كام فيلم بورنوجرافى لحساب الشركات المشهورة فى مجال انتاج الافلام البورنوجرافية زى Adam & Eve و VCA Pictures و Vivid Entertainment .

فى سنة 1977 اتعينت جلوريا ليونارد فى منصب رئيس تحرير مجلة High Society البورنوجرافية ، وكانت اول واحدة ست تتولى المنصب ده .

فى سنة 1982 اتجوزت جلوريا ليونارد الممثل والمخرج البورنوجرافى الراحل بوبى هولاندر (Bobby Hollander) . وفى سنة 1990 تم الطلاق بينهم .

فى سنة 1984 اعتزلت جلوريا ليونارد شغلها فى مجال البورنوجرافى ، واتفرغت لشغلها فى مجلة High Society لغاية لما سابته هو كمان فى سنة 1991 .

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

 وفاتها

فى يوم 31 يناير 2014 كانت جلوريا ليونارد قاعدة فى بيتها بمدينة وايميا بولاية هاواى وفاجئتها سكتة قلبية اتنقلت بسببها يوم 1 فبراير 2014 لأقرب مستشفى لبيتها فى نفس المدينة ودخلت العناية المركزة ، ونتج عن السكتة القلبية دى تلف فى خلايا المخ وبسببه ماتت جلوريا ليونارد يوم 3 فبراير 2014 .