المعرفة:تويتة اليوم

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

 16 أكتوبر 2019

1. إيه_البيتكوين_دا

البت‌كوين يعتبر عملة القرن الحديث ؛فهي عملة إفتراضية أي غير مرئية أو ملموسه مثل النقود الورقية أو المعدنية المتعارف عليها ؛ فالبيتكوين يمثل إحدى التحديات الكبرى أمام الأنظمة العالمية ؛ حيث أن الغموض الكبير الذي أحاط بنشأة تلك العملة ومن قام بإختراعها هل هو الياباني ساتوشي ناكاموتو أم الأُسترالي كريج رايت ...

فهذا الغموض حول نشأة تلك العملة والغرض منها وإنشارها السريع ومن المتحكم في آلية الصعود و الهبوط هو من جعل لتك العملة هالة و قيمة سوقية كبيرة جدا في وقت زمني قصير ... حيث أن هناك العديد من الدول التي وضعت تشريعات صارمة لعدم التعامل معها ومنها دول قامت بالعكس ..

ولكن يبقى لغز البيتكوين مع آلية التشغيل الخاص بها والتي كانت سبباً في ظهور العديد من العملات الإفتراضية الأخرى تظهر على الساحة الدولية النقدية و تمثل تحديا كبيرا أمام الأنظمة المصرفية ..

 17 أكتوبر 2019

يالا_تسويق مع مصطفى شحاته

- يلا تسويق سلسلة مقالات تعريفية عن علم (التسويق) أحد أهم العلوم الإدارية، اللي هنحاول فيها توضيح ماهية علم التسويق؟ والخلط بينها وبين باقي العلوم الأخرى بشكل بسيط للمهتمين بهذا المجال الممتع.

- يعني ايه تسويق؟

التسويق – من وجهة نظري المتواضعة – هي (لعبة) بنلعبها كل يوم من غير ما ناحد بالنا منها .... لعبة؟؟ ازاي ؟؟؟ الإجابة بسيطة جدااااااااااا

هناخد أمثلة كدا بسيطة: لما تنول كل يوم شغلك أو بتخرج مع اصحابك و اهلك وبتكون مهتم انك تلبس أحسن ما عندك عشان تظهر في احسن صورة – مش دا تسويق – ولما تقرر انك تلبس لبس معين في مناسبة معينة عشان تكون ملفت للنظر – مش دا برده تسويق – يعني احنا بنلعب تسويق من غير ما ناخد بالنا لان التسويق مهم جدا في حياتنا .

طيب لو حبينا نتكلم ببساطه يعني ايه تسويق بشكل علمي شويه – استحملوني في التعريفات دي – إن فيه تعريفات كنير للتسويق و أتطورت بفعل الزمن مثل :

1/ Telling And Selling والمفهوم دا كان بيدمج بين التسويق و المبيعات و الإعلانات في مفهوم واحد .

2/ Satisfying Customer Need اي ان التسويق هو إشباع حاجات العميل

3/Profitable Customer Relation Ships

علاقة مربحه مع العميل ( ودا تعريف قريب من مفهوم التسويق الحقيقي )

4/ العالم المعروف Peter Druker قال إن التسويق هو جعل عملية البيع عملية ثانوية

5/ كمان ممكن نقول ان عملية التسويق ( عملية إدارية و اجتماعية ) فهي إدارية لأنها تشمل على بعض الإجراءات : تخطيط – تنظيم – توجيه – رقابة – تنفيذ واجتماعية لانها مش بتتعارض مع القيم الأخلاقية و الاجتماعية للمجتمع .

6/ الأستاذ Pride – Ferrell اشاروا كل منهم إن التسويق عملية تشمل الإنتاج و التسعير و التوزيع و الترويج في مجتمع يتميز بالتغير السريع .

اما التعريف الأعم و الاشمل للتسويق – اللي المفروض كل واحد فينا يعرفه – فهو للأستاذ Kotler مؤسس علم التسويق في العالم :

Process by which companies create value for customers and build relationships strong for capture value from the customers

وممكن نوضحها بشكل مبسط:

Value Value

يعني خلق قيمه سواء عن طريق المنتجات أو الخدمات اللي الشركة بتقدمها، مع تحسين العلاقة مع العملاء بشكل مستمر عن طريق التواصل البناء معاهم ، عشان نحصل قيمه في النهاية سواء إرباح أو سمعة تجارية .

- كمان كان فيه خلط عند كتير مننا بين التسويق و البيع ، فكان فيه وظيفة مدير التسويق و المبيعات مثلا ودا من وجهة نظريغلط كبير جدا لان كل من التسويق و المبيعات علم منفصل عن الأخر على الرغم من إنهم بيكملوا بعض بس الأفضل أن ينفصل مدير التسويق في علمه و اختصاصاته عن مدير المبيعات المسئول عن آليات البيع بناء على الخطط التسويقية و الإستراتيجية اللي بتكون عن طريق مدير التسويق أو إدارة التسويق .

في الحلقة الجاية من يلا نماركتنج نتكلم فيها عن الفرق بين التسويق و المبيعات و كمان ازاي تكون مسوق شاطر . لازم ناخد و نتعلم التسويق على انه علم وفن مهم جدا لازم نتعمله كلنا .

 18 أكتوبر 2019

1. العنوان : ركز مع أي حد بيحاول يقلدك

أي حد عنده مشروع ناجح شيء طبيعي إنه هيتقلد كتير، وغالبا بيكون بسعر أقل ، ودا بيكون ضغط كبير عليك ، بص ولايهمك ، عندي ليك 3 حلول إختار منهم حل واحد :

-إما إنك مضطر تخفض من سعر المنتج بتاعك ودا هيجي على حساب هامش ربحك بس إنته بتحافظ على حصتك في السوق.

-ياهتخلي سعرك زي ماهوه ، ودا هيجي على نصيبك في السوق بس المهم أرباحك .

-ياهتطور من المنتج بتاعك وتضفله ميزه تنافسية جديده عشان تحافظ على سعرك و نصيبك في السوق وهامس أرباحك.

إقعدوا بالعافيه ،،،

 19 أكتوبر 2019

1. فكر_بدماغ_رجل_الأعمال

رجل الأعمال الذكي هوه إللي بيفكر بدماغ العميل ، يعني العميل لو فكر في القيمةValue يبقى لازم يعمله مُنتج جيد ، لو العميل فكر في التكلفةCost يبقى لازم منتج بسعر مناسب للعميل بتاعه ، لو فكر في الراحة Convenience يبقى لازم مكان مريح و مناسب للعميل إللي بيدور على الراحة و الصورة الحلوه ، لو العميل بيهتم بالتواصل Communications يبقى ترويج و دعايه مناسبة تخلق تواصل تام معاه.

 20 أكتوبر 2019

1. القيمة_الجودة

دائماً القيمة والجودة وجهان لعملة واحدة وهي صناعة البراند التجاري المناسب لكل شريحة إستهلاكية ، من الوهلة الأولى قد تظن إنها عمليه في منتهى السهولة ، ولكن في باطنها عمل كثير ووقت و نفقات ، من أجل الوصول إلى التركيبة المناسبة ما بين الجودة و السعر لعملائك

 21 أكتوبر 2019

1. مش_تنمية_بشرية

لو عاوز بجد توصل لزتونة التطوير الذاتي لازم تتعود تشوف نفسك (منتج) زي أي منتج في أي سوق فيه منك كتيرررر ... فلازم تتطور من نفسك وتميز نفسك قدام إللي زيك بالتعليم و الإطلاع و التدريب و السعي هتتميز بجد بشكل عملي بعيدد عن كلام التنمية البشرية إللي أغلب إللي بيتكلموا فيه مش مقتنعين بيه بس هيه لقمة عيش ليس إلا.

 30 أكتوبر 2019

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .